Նորություններ
Այցելություն Ապարանի բժշկական կենտրոն
09.09.2011
Ապարանի բժշկական կենտրոնում իրականացված հիմնանորոգման արդյունքներին ծանոթանալու նպատակով ՀՀ առողջապահության նախարար Հարություն Քուշկյանը եւ Արագածոտնի մարզպետ Սարգիս Սահակյանը այցելեցին բժշկական կենտրոն: Նրանք շրջայց կատարեցին երկհարկանի կառույցի բոլոր հարկաբաժիններում, ծանոթացան արդեն ավարտված շինարարական աշխատանքների որակին կենտրոնի առաջիկա խնդիրներին:
Հիվանդանոցի հիմնանորոգումն իրականացվել է ՀՀ կառավարության եւ Համաշխարհային բանկի Առողջության ծրագրերի իրականացման գրասենյակի ֆինանսավորմամբ: Շինարարությունն իրականացրել է ՙՌուստիկալենտ՚ ՍՊԸ-ն: Նրանք այստեղ շինարարական լայնածավալ աշխատանք են կատարել: Փոխվել են տանիքը, դռներն ու պատուհանները, կատարվել են արտաքին եւ ներքին հարդարումներ, կոյուղու, տաք եւ սառը ջրերի նոր համակարգեր են կառուցվել, ներքին եւ արտաքին հարդարման աշխատանքներ են կատարվել:
Վերանորոգման ծրագիրը բավականին ընդգրկուն է: Բուժհաստատությունը հագեցվել է բոլորովին նոր եւ արդիական սարքավորումներով, համապատասխան գույքով:
Բժշկական կենտրոնն ունենալու է 50 մահճակալի հզորություն, աշխատելու են մասնագիտական բոլոր կաբինետնեը, ախտորոշիչ կենտրոնը: Չի զգացվում նաեւ մասնագետների կարիք: Այստեղ ներգրավված բոլոր բուժաշխատողները անցել են համապատասխան որակավորման դասընթացներ եւ ի զորու են իրենց խնդիրը պատարելու ժամանակաից պահանջներին համապատասխան:
Ներկայումս ընթանում են սարքավորումների տեղադրման վերջին աշխատանքները, եւ առաջիկայում բժշկական կենտրոնը հանդիսավոր կերպով կբացի իր դռները: