Արագածոտնի մարզպետի աշխատակազմ

 

Իրենց դպրոցի վերանորոգման փաստն առանձնակի ոգեւորությամբ են ընդունել Գեղաձորում, քանի որ Արագածի տարածաշրջանի բարձր լեռնային կարգավիճակ ունեցող այս գյուղում, ուր ձմեռն ավելի քան 5-6 ամիս է տեւում, բարեկարգ եւ ամուր դպրոցի անհրաժեշտությունը առավել քան զգալի է:

 

Դպրոցը կառուցվել է 1976-77 թվականներին: Շահագործումից ի վեր նման հիմնանորոգումներ այստեղ չի կատարվել: Երկրաշարժի ժամանակ էլ դպրոցը լիովին դարձել է վթարային եւ վտանգավոր շահագործման համար, որի պատճառով 5-6 տարի չի օգտագործվել: Այնուհետեւ, մասնակի վերանորոգվել են երկհարկանի կառույցի առաջին հարկը: Օգտագործվել է նաեւ երկրաշարժից հետո դպրոցին հատկացված փայտե տնակը: Այնպես որ, շինարարական կազմակերպությունը` ՙԵս եւ նա՚ ՍՊԸ-ն` տնօրեն Նաիրի Սահակյանի ղեկավարությամբ, այստեղ հսկայացավալ աշխատանքներ է իրականացնում:

 

Հիմնանորոգվում է երկհարկանի դպրոցն ամբողջությամբ: Նորոգվելու են տանիքն ու հատակը, պատուհաններն ու դռները, դասասենյակներն ու աշխատանքային սենյակները, հանդիսությունների դահլիճը, գրադարանը: Նոր սանհանգույց, խմելու ջրատար է կառուցվելու: Իսկ դպրոցի ջեռուցումը կիրականացվի էլեկտրական մարտկոցներով: Այս ամենից հետո դպրոցը կունենա ժամանակից չափանիշերին համապատասխան պայմաններ:

 

Ինչպես տեղեկացրեց դպրոցի տնօրեն Իշխան Խաչատրյանը, շինարարական աշխատանքների ընթացքին մշտապես հետեւում է մարզպետ Սարգիս Սահակյանը: Նրա հանձնարարությամբ ապահովվում է յուրաքանչյուր գործընթացի կատարման ժամկետներն ու որակը: