Պաշտոնական էլ. փոստ
(միայն www.e-citizen.am համակարգով ծանուցումների համար)
Համայնքներ
Համայնքի մասին
Շամիրամ համայնք
Բնակչություն` 1170
Շամիրամը գտնվում է Աշտարակի տարածաշրջանում, Աշտարակ քաղաքից 28 կմ հարավ-արևմուտք, Արագածի նախալեռներում՝ Շամիրամի սարավանդում։ Գյուղը գտնվում է ծովի մակարդակից 1175 մ բարձրության վրա։ Կլիման մերձարևադարձային, չոր ցամաքային է՝ շոգ ամառներով և չափավոր ցուրտ ձմեռներով։
Հուլիսյան միջին ջերմաստիճանը 25-26 աստիճան է, հունվարինը՝ մոտ -4։ Տարեկան տեղումները կազմում են մոտ 350 մմ։ Բնական լանդշաֆտները հիմնականում չոր տափաստաններ են, որոնք ոռոգման շնորհիվ վերածվել են կուլտուր-ոռոգելի տարածքների։ Գյուղը հարուստ է աղբյուրներով։ Շրջակայքում կան արդյունաբերական նշանակության տուֆի պաշարներ։
Համայնքի պատմությունն արմատներ է ունենում մ.թ.ա. II-I հազարամյակներից՝ հարակից տարածքներում պահպանվել են հնագիտական հուշարձաններ։
2025 թվականին Շամիրամի բնակչությունը կազմում է մոտ 1170 մարդ։
Տնտեսությունը հիմնականում գյուղատնտեսության վրա է հիմնված։ Գյուղատնտեսական հողերի մեծ մասը օգտագործվում է որպես արոտավայրեր և վարելահողեր։ Զբաղվում են բանջարաբոստանային, հացահատիկային և կերային մշակաբույսերի մշակմամբ, ինչպես նաև խոշոր ու մանր եղջերավոր անասնապահությամբ և թռչնաբուծությամբ։
Գյուղում կան դպրոց, գրադարան, բուժկետ և կապի հանգույց։
Համայնքի հիմնական խնդիրներն են խմելու և ոռոգման ջրի ջրագծերի և գյուղամիջյան ճանապարհների բարելավումը։
